सिराहामा लैनो भैंसी र पाडापाडी नियन्त्रणमा

सिराहामा  २३ साउन । जिल्ला प्रहरी कार्यालय सिरहाबाट खटिएको पिकेट टोलीले चेकजाँचको क्रममा साउन २२ गते लैनो भैंसी र पाडापाडी नियन्त्रणमा लिएको छ । दक्षिणबाट उत्तरतर्फ लैजाने क्रममा सिरहा ७ स्थित प्रहरीले बिना कागजपत्र ना.२ ख.८५५५ नम्बरको ट्रकलाई चेकजाँच गर्दा लैनो भैसि ११ वटा र पाडारपाडी ११ वटा नियन्त्रणमा लिएको हो । नियन्त्रणमा लिएको भैंसीको मूल्य ३ लाख ८५ हजार र ६ लाख ट्रकको गरी ९ लाख ८५ हजार अनुमान गरिएको छ । यो सँगै भैसी धनी सिरहा १२ बस्ने इनकुमार यादव र मोरँगको सुन्दर हरैचा २ बस्ने सँजयकुमार चौधरीलाई समेत नियन्त्रणमा लिएको जिल्ला प्रहरी कार्यालय सिरहाले जनाएको छ । प्रहरीले नियन्त्रणमा लिएको भैँसी र ट्रकलाई आवश्यक कार्वाहीको लागि भन्सार कार्यालय माडर, सिरहामा बुझाएको छ ।