पर्सा प्रहरीले ८ केजी अफिम सहित एकजनालाई गरे पक्राउ
- असोज २१, २०७७
- २७१ पटक पढिएको
- Pradesh Times
कृष्णा यादब वीरगञ्ज २१ असोज । जिल्ला प्रहरी कार्यालय पर्साले ८ किलो अफिम सहित एकजनालाई नियन्त्रणमा लिएको छ ।
विशेष सूचनाको आधारमा इलाका प्रहरी कार्यालय पोखरियाबाट खटेको प्रहरी टोलिले तीनडुविया बस्ने २९ वर्षीय खोबारी प्रसाद कुर्मीको घरबाट प्रहरीले उक्त मात्रामा अफिम बरामद गरेको हो ।
कुर्मीले घरमा लुकाई छीपाई लागु औषध राखेको प्रहरीलाई सूचना प्राप्त भएपछि प्रहरीले कुर्मीको घरमा छापा मारेका थियो । छापा मार्ने क्रममा प्रहरीले अफिम जस्तै देखिने ८ किलोग्राम फेलापरेको थियो ।
पक्राउ परेको कुर्मीलाई ईलाका प्रहरी कार्यालय पोखरीयामा थप अनुसन्धान भईरहेको प्रहरीले जनाएको छ।
