नवलपरासीमा २ पिकप गाडी १ मोटरसाइकल सहित २२ लाख ८० हजार बराबरको मालसामान नियन्त्रण
- असोज २०, २०७७
- ११६ पटक पढिएको
- प्रदेश टाइम्स
संजय कुशवाहा / नवलपरासी पश्चिम नवलपरासीको विभिन्न ठाउँहरुबाट अबैध सामना अोसार पसारमा संलग्नमा २ वटा पिकप गाडी र १ मोटरसाइकल सहित २२ लाख ७९ हजार ९ सय मूल्य बराबरको अबैध मालसामान प्रहरीले नियन्त्रणमा लिएको छ ।
मंगलबार बिहान पाल्हिनन्दन गाउँपालिका वडा न.२ हरखपुरास्थित भारतबाट भन्सार छली अबैधरूपमा बा १५ च ७९८५ र लु २ च ९२७५ नम्बरको पिकप गाडीमा राखी ल्याउदै गरेको १२० बोरामा (६० क्विन्टल ) प्रतेक पिकपमा ६० बोरा प्याज रहेको सिमामा प्रहरी चौकी महेशपुरले नियन्त्रणमा लिएको छ । उक्त सामानको अन्दाजी मुल्य ३ लाख बराबर र २ वटा पिकप गाडीको मुल्य १६ लाख ( प्रति गाडीको मुल्य ८ लाख) गरि जम्मा १९ लाख मुल्य बराबर रहेको छ ।
यसैगरी पाल्हिनन्दन गाउँपालिका वडा न.३ कुस्मास्थित भारतबाट नेपालतर्फ भन्सार छली अबैधरूपमा लु ५६ प ६८९४ नम्बरको मोटरसाइकलमा राखी ल्याउदै गरेको थान कपडा २७० मिटर , साडी ५१ पीस ,लेगिज ३० पीस कपडा लगायत ईलाका प्रहरी कार्यालय अमानिगंजबाट खटिएका प्रहरी टोलीले नियन्त्रणमा लिएको छ । उक्त सामानको अन्दाजी मुल्य ८७ हजार ९ सय र मोटरसाइकलको मुल्य १ लाख गरि जम्मा १ लाख ८७ हजार ९ सय बराबर रहेको छ ।
यसैगरी सुस्ता गाउँपालिका वडा न.५ ठाडीघाटस्थित नेपालबाट भारततर्फ अबैधरुपमा लैजाँदै गरेको करिब १ लाख ४० हजार मुल्य बराबरको ३५ बोरा (१ हजार ७ सय ५० किलो) हरियो मटर (केराउ) ईलाका प्रहरी कार्यालय बेलाटारी र प्रहरी चौकी रामनगर टोलीले नियन्त्रण गरेको छ ।
यसैगरी प्रतापपुर गाउँपालिका वडा न.५ बसहियास्थित नेपालबाट भारततर्फ अबैधरूपमा लैजाँदै गरेको करिब ५२ हजार मुल्य बराबरको १७ बोरा ( ६ सय ५० किलो) सेतो मटर (केराउ ) प्रहरी चौकी बसहियाले नियन्त्रण गरेको छ ।
नियन्त्रणमा लिएको आवश्यक कारवाहीको लागि महेशपुर भन्सार कार्यालय पठाइएको जिल्ला प्रहरी कार्यालय नवलपरासीका सुचना अधिकारी राजु लामाले बताए ।
