सशस्त्र प्रहरीद्वारा अवैध सिध्रा बरामद गरी भन्सार दाखिला

 पवन शाह बिराटनगर / भारत बाट लुकाई छिपाई नेपाल तर्फ़ ल्याउन लागेको ठुलो परिमाणमा सिध्रा (माछाको सुकुटी) सशस्त्र प्रहरीले बरामद गरी भन्सार दाखिला गरेको छ । सशस्त्र प्रहरी बल बोर्डर आउट पोस्ट जोगबनि बाट सप्रनि मौसम पोखरेलको नेतृत्वमा खटेको प्रहरी टोलीले विशेष सुराकिको आधारमा बुधवार रातिको एक बजे को समयमा बिराटनगर १६ दरैया बस्तिको मुसहरी टोलबाट नेपाल ल्याउन को लागी दशगजा नजिक जम्मा गरेर राखेको अवस्थामा सिध्रा (माछाको सुकुटी) बरामद गरेको हो । १८ वटा बोरामा रहेको सिध्रा को तौल ६ सय ३० किलो भएको र उक्त सिध्रा (माछाको सुकुटी) भन्सार दाखिला भन्सार मुल्यांकन १ लाख ८९ हजार रुपैया भएको सशस्त्र प्रहरीले बताएको छ ।