धर्मेन्द्र कुमार यादव-महोत्तरी, असोज १ । महोत्तरी जिल्लको औरही नगरपालीकामा कार्यरत स्वास्थ्य कर्मीहरुले एक जुट भएर निमित्त प्रशाशकिय अधिकृत लाई ज्ञापन पत्र बुझाएका छन। हाल बिश्वभरी चलीरहेको कोभिड १९ (कोरोणा) महामारीको समयमा जानको प्रबाह नगरी दिनरात काम गर्दै आईरहेको भएपनी आफुहरुले पाउने सेवा सुबिधा न पा कार्यालयले संबोधन नगरेको कारण ज्ञापन पत्र मार्फत ध्यनाकर्षण गराएको स्थानिय स्वास्थ्य कर्मीहरु द्वारा जारी पत्रमा उल्लेख गरिएको छ । उनीहरुले कोभिड १९ को जोखीम भत्ता, पदस्थापन नभएको लाई पदस्थापना गर्ने र बाकी रहेको सञ्चय कोष, नागरीक लगानी कोष साथै नागरीक लगानी बचत बृद्धि कोष यथासिध्र जम्मा गरी दिन मांग गरेका हुन । स्थानिय स्वास्थ्यकर्मीहरुले तत्काल आफनो मांग पुरा नभएमा स्वास्थ्य सेवा ठप्प गरेर चरणबध रुपमा बिरोधका कार्यक्रम गरीने र यसको सम्पुर्ण जिम्मा नगरपालिका कार्यालयले लिनु पर्ने जनाईएको छ । उनिहरुले मंगलबार दिउँसो न पा को कार्यालयमा गई यसै औरही न पा वडा नं १ मा रहेका स्वास्थ्य चौकीका प्रमुख रामचन्द्र यादबको अगुवाईमा सम्पुर्ण स्वास्थकर्मीहरु निमित्त प्रशाशकिय अधिकृत “समाकक्ष” ज्ञापन पत्र पेश गरेका छन।
प्रतिक्रिया दिनुहोस
Copyright © 2019 / 2024 - Pradeshtimesdainik.com - All rights reserved