सिरहामा मोटर साइकल दुर्घटना बाट दुइको मृत्यु

सिराहामा दुईवटा मोटरसाइकल ठोक्किँदा दुईजनाको मृत्यु भएको छ । चोहर्वा सडकखण्डअन्तर्गत सिराहा नगरपालिका– ११ भलुवाहीनजिकै मोटरसाइकल ठोक्किँदा दुईजनाको मृत्यु भएको हो । चोहर्वाबाट सिराहा आउँदै गरेको स.४प ४६१० मोटरसाइकल बुधबार साँझ चोहर्वातर्फ जाँदै गरेको स.४प ७९२१ नम्बरको मोटरसाइकल ठोक्किएका हुन् । स.४प ७९२१ नम्बरका मोटरसाइकलचालक सिराहा धनगढीमाई नगरपालिका– १० का ५१ वर्षीय दीपककुमार पञ्जियारको उपचारको क्रममा सिराहा अस्पतालमा मृत्यु भएको प्रहरीले जनाएको छ । स.४प ४६१० नम्बरको मोटरसाइकलचालक सिराहा नगरपालिका– ९ गुलरियाका ३५ वर्षीय सिल्टु ठाकुरकोे थप उपचारका लागि लहान लैजाँदै गर्दा बाटोेमै मृत्यु भएको जिल्ला प्रहरी कार्यालय सिराहाले जनाएको छ । सोही मोटरसाइकलपछाडि बसेका सिराहा नगरपालिका– ९ गुलरियाका ३५ वर्षीय जितेन्द्र महरा भनिने शिवकुमार महरा गम्भीर घाइते भएका छन् । उनको गोलबजारस्थित भुमिजा अस्पतालमा उपचार भइरहेको प्रहरीले जनाएको छ ।