सिरहामा ५८ वर्षीय कोरोना संक्रमित पुरुषको मृत्यु

प्रदेश टाइम्स सिरहा । सिरहाको सुखिपुर नगरपालिकाका ५८ वर्षीय कोरोना संक्रमित पुरुषको उपचारका क्रममा मृत्यु भएको छ । कोरोना संक्रमण पुष्टि भएका उनको बीपी कोइराला स्वास्थ्य विज्ञान प्रतिष्ठान धरानको कोभिड अस्पतालमा उपचारको क्रममा आज साझ १९ः३० बजे मृत्यु भएको हो । सिरहाका प्रमुख जिल्ला अधिकारी प्रदिप राज कणेलका अनुसार मृतक गत भदौ ६ गते प्रतिष्ठानको मेडिसिन वार्डमा भर्ना भएका उनलाई ७ गते कोरोना पोजेटिभ देखिएको थियो । उनको उपचारको क्रममा मृत्यु भएको अस्पतालले बताएको छ । उनमा उच्च रक्तचाप र पहिले क्षयरोग लागेर निको भएको थियो । मृतकको शव अहिले बीपी कोइराला स्वास्थ्य विज्ञान प्रतिष्ठान धरानमा राखिएको र शुक्रबार नेपाली सेनाको टोलीले सिरहा ल्याउने प्रमुख जिल्ला अधिकारी कणेलले बताएका छन् । यो संगै सिरहामा कोरोनाबाट मृत्यु हुनेको संख्या ५ पुगेको छ। पछिल्लो समय कोरोना संक्रमितको संख्यामा समेत बृद्धी भएको छ ।