जसपा निर्वाचन आयोगमा दर्ता एकीकरणसँगै संसद्को तेस्रो शक्ति

प्रदेश टाइम्स २५ अषाढ सिरहा ।  दल दर्ताका लागि निवेदन दिएको ठ्याक्कै एक महिनापछि दल दर्ता गर्ने निर्णयमा निर्वाचन आयोग पुगेको जनता समाजवादी पार्टी  निर्वाचन आयोगमा दर्ता भएको छ ।

जनता समाजवादी पार्टी एकीकरणसँगै संसद्को तेस्रो शक्ति बनेको छ । तत्कालीन समाजवादी पार्टी र राष्ट्रिय जनता पार्टीबीच एकीकरण भई गठित जसपा दर्ताका लागि गत जेठ २५ गते निर्वाचन आयोगमा निवेदन परेको थियो ।

जसपाका शीर्ष नेताहरूले आयोगमा पुगेर निवेदन र पार्टी एकीकरणसम्बन्धी सहमतिको दस्तावेज बुझाएका थिए एकीकरणअघि यी दुई दल संसदमा तेस्रो र चौंथो दलको हैसियतमा थिए ।दल दर्ताको प्रक्रिया पूरा भइनसक्दा संसद्मा भने हालसम्म दुवै दलको अस्तित्व थियो ।