विष्णुपुर गाउँपालिका–४ स्थित झुण्डिएको अवस्थामा एक युवक मृत फेला

२० बैशाख । सिरहाको विष्णुपुर गाउँपालिका–४ थल्हाकटहा स्थित शनिवार झुण्डिएको अवस्थामा एक युवाको मृत शव फेला परेको छ ।

मृतक विष्णुपुर गाउँपालिका–४ थल्हाकटहा बस्ने अन्दाजी २१ वर्षका सन्तोष कुमार यादव रहेको जिल्ला प्रहरी कार्यालय सिरहाका डिएसपी विनोद घिमिरेले बताए । उनका अनुसार घटना भएको सूचना पाएपछि गएका प्रहरी टोलीले सन्तोषलाई मृत अवस्थामा झुण्डिरहेको देखियो ।

पिडित परिवारको कुरालाई उदृत गर्दै उनले भने,‘अरु व्यक्तिहरु रिसिवी साध्न हत्या गरि झुण्डाएको छ ।’ घटना रहस्मय बन्दै गएपछि थप परिक्षण गर्न शव धरान पठाइएको उनले थपे ।

घटनाबारे थप अनुसन्धान जारी राखेको भएपनि कुनै कारण खुल्न नआएको उनको भनाई छ ।