ज.ब.मा.बि बर्छावा मा पनि अनलाइन कक्षा संचालनमा

चैत २८ बिष्णुपुर सिरहा । विश्वभर महामरिको रुपमा फैलिरहेको कोरोना भाइरस (कोभिड १९) संक्रमणको त्रासले यति बेला शिक्षा क्षेत्र पनि प्रभावित बनेको छ ।

सरकारले भिडभाड नगर्ने तथा शैक्षिक गतिविधि बन्द गर्न निर्देशन दिएपछि पठनपाठन बन्द रहेको अवस्थामा देशको विभिन्न सामुदायिक तथा निजि बिधालयहरुले अनलाइनबाट नै पठनपाठन शुरु गरिएको छ ।

देशका विभिन्न बिधालयहरुले अनलाइन कक्षा संचालन भइरहँदा सिरहाको नरहा गाउँपालिकामा रहेको श्री जनता बनवाली नमूना माध्यमिक बिधालय (प्राबिधिक ) बर्छावा नरहाले पनि अनलाइन कक्षा संचालनमा ल्याएको छ ।

ज.ब.मा.बि बर्छावाले आइतबार देखि प्राबिधिक कक्षा T9 ,T10 T11 ,T12 लाई लक्षित गरि अनलाइन कक्षा संचालनमा ल्याएको हो । कक्षा को सम्पुर्ण बिद्यार्थीहरुलाइ अनलाइन मा सहभागी गराएर पठनपाठन थालेको ज. ब. मा. बि. का प्रशिक्षक इन्जिनियर मिथलेश कापरले जानकारी गराए ।

आउने दिनमा अनलाइन कक्षा संचालन लाई अझै प्रभावकारी र अन्य कक्षाहरुको लागि पनि अनलाइन कक्षा संचालन ल्याउने योजनामा रहेको प्रशिक्षक इन्जिनियर कापरले बताए ।