सिरहाको बस्तीपुरमा मोटरसाईकल दुर्घटना एक जना युवकको मृत्यु

सिरहा,चैत १३ गते । सिरहाको बस्तीपुरमा मोटरसाईकल दुर्घटनामा आज साझ एक जना युवकको मृत्यु भएको छ । पूर्व पश्चिम लोकमार्ग अन्र्तगत बस्तीपुर र मन्हरवाको विचमा मोटर साईकलले ओभरटेक गर्ने क्रममा मोटर साईकल चालक जिल्ला सिरहा कर्जन्हा नगरपालिका वडा नं. ४ बस्तीपुर वस्ने वर्ष २७ को रमेश साहको घटना स्थलमा मृत्यु भएको ईलाका प्रहरी कार्यालय मिर्चैयाका ईन्सपेक्टर पुरुसोत्तम कार्कीले बताउनु भयो । ईन्सपेक्टर कार्कीका अनुसार मोटरसाईकल ओभरटेक गर्ने क्रममा स१त ३७७७ नम्वबरको ट्रयाक्टरमा टोकिदा साहको मृत्यु भएको छ भने मोटर साईकल पछाडी सवार कर्जन्हा नगरापलिका वडा नं. १० वस्ने मो.मुस्ताक छोरा १७ वर्षीय मो. ईरफान शेख घाईते भएको छ । घाईते शेखको उपचार मिर्चैया स्थित मंगलम होस्पिटलमा भई रहेको ईलाका प्रहरी कार्यालय मिर्चैयाले जनाएको छ । भने ट्रयाक्टर चालकलाई फरार रहेको छ भने खोज तलास भई रहेको जनाईएको छ ।