१७ लाख घुससहित भैरहवा नापीका ६ कर्मचारी पक्राउ

बुटवल । जिल्ला नापी कार्यालय भैरहवाका नापी अधिकृत सरोज श्रेष्ठसहित ५ कर्मचारी १७ लाख घुससहित पक्राउ परेका छन् । अख्तियारले घुस लिँदा लिदैं अधिकृत श्रेष्ठसहित सर्भेक्षक तिर्थराम भण्डारी, सर्भेक्षक थानेश्वर चौधरी, मालपोत कार्यालयका नासु धर्मराज पन्थी, लेखापढी व्यवसायी जीवन शर्मा, मतियार राज कुमार अर्याललाई पक्राउ गरेको हो । उनीहरुले सेवाग्राहीबाट जग्गाको कित्ताकाटमा सहजीकरण गरिदिने भनि घुस लिने क्रममा बुटवलको सिद्धार्थ नगरपालिका-१३ अशोका होटल नजिकबाट अख्तियारको टोलीले पक्राउ गरेको हो । उनीहरुलाई नियन्त्रणमा लिएर अनुसन्धान भइरहेको अख्तियार दुरुपयोग अनुसन्धान आयोग बुटवलले जनाएको छ ।