आगलागीले चार घर जलेर खरानी १० लाखभन्दा बढीको क्षति

बिषणुपुर गाउपालिका वडा नम्बर ३ राजपुरमा आगलागीले चार वटा घर जलेर खरानी बनेको हो । आगलागी आईतवार साँझ भएको हो । आगलागीले चार वटा घर जलेर खरानी बनेको हो ।

घरभित्र रहेको अन्नपात, लत्ताकपडा, जिन्सी समान र नगद केहि रकम समेत जलेपछि करिब १० लाखभन्दा बढीको क्षति भएको स्थानीयले जनाएको छ । स्थानीय रामअबतार ठाकुरको घरबाट आगलागी सुरु भएको थियो । तर आगलागी कसरी भयो भन्ने विषयमा केहि खुल्न सकेका छैन ।

आगलागी नियन्त्रणमा लिन लहान, गोलबजार र सिरहा नगरपालिकाको बारुण यन्त्र आएका थिए । तर पानी नै नबोकेर घटनास्थल पुगेका कारण क्षति बढी भएको स्थानीयको भनाई छ । आगलागी स्थानीयले नै नियन्त्रणमा लिएका छन् ।