सिरहा मा ठगी गरेको आरोपमा दुईजना पक्राउ

 पुस ३ गते।सिरहा को मिर्चैया  नगरपालिका  मा   सुनको जलप लगाई अन्य धातु बिक्री गरी ठगी गरेको आरोपमा   सिराहा प्रहरी ले दुईजनालाई  पक्राउ गरेको छ ।
ईलाका प्रहरी कार्यालय मिर्चैयाबाट खटिएको प्रहरी टोलीले मिर्चैया नगरपालिका–६ स्थित राधाकृष्ण ज्वेलर्स र शिव ज्वेलर्समा सुनका रुपमा अन्य धातुको लकेट बिक्री गरी ठगी गरेको आरोप मा धनुषाको गणेशमान चारनाथ नगरपालिका–९ बरमझिया को ३० वर्षीय कुलदीप कुमार गडेरी र सवैला नगरपालिका– १० मखनाहाको  २५ वर्षीय प्रदीप साहलाई   पक्राउ  गरेको हो।


पक्राउ परेका दुवै जनाले मिर्चैया नगरपालिका–६ स्थित राधाकृष्ण ज्वेलर्स र शिव ज्वेलर्समा सुनका रुपमा अन्य धातुको लकेट बिक्री गरी चाँदीका बाला लिएका थिए । बाँकी रहेको वस्तुसमेत लिएर जाने बेलामा लकेटको सुन परीक्षण गर्दा सुनको जलपमात्र भएको  ईलाका प्रहरी कार्यालय मिर्चैयाका प्रहरी नायव उपरिक्षक सन्तुलाल चौधरीले बताएका छन।

राधाकृष्ण ज्वेलर्स सञ्चालक देवकृष्ण साह र शिव ज्वेलर्सका सञ्चालक सन्तोष महतोले उजुरी दिएपछि प्रहरीले पक्राउ गरेको डिएसपी चौधरीले बताएका छन।