सिरहामा ५३ किलोभन्दा बढी गाँजा बरामद, प्रहरी देखेपछि भरिया फरार

प्रदेश टाइम्स २२ /सिरहा । सखुवानन्कारकट्टी गाउँपालिका ४ सिमरा गाउँबाट ५३ किलो ४ सय ६५ ग्राम गाँजा बरामद गरेको छ। इलाका प्रहरी कार्यालय महेशवारीबाट खटिएको गस्ती टोलिले विहिवार राती करिव १२ बजेको समयमा ४ वटा पप्लास्टिकको बोरामा भरीएको अवस्थामा सो गाँजा बरामद गरेको हो। प्रहरीका अनुसार ४ जनाको समूहले बोरा बोकेर ल्याईरहेको थियो । प्रहरीलाई देखेपछि उनीहरु बोरा फालेर भागेको जिल्ला प्रहरी कार्यालय सिरहाका सूचना अधिकारी रमेश बहादुर पालले बताए । अधिकारी पालका अनुसार उनीहरु गस्तीमा रहेका प्रहरीलाई देखेपछि बोरा फालेर भागेको हो। प्रहरीले भरियाहरुको खोजि गरिरहेको बताए । बरामद सामाग्रिको सम्वन्धमा प्रहरीले थप अनुसनधान गरिरहेको बताएको छ।