नयाँ वर्ष २०८२ मा जनतासँग नजिकिँदै माननीय तपेश्वर यादव

सिरहा क्षेत्र नं. ४ का प्रतिनिधि सभा सदस्य तथा मधेश प्रदेश सभापति माननीय इन्जिनियर तपेश्वर यादवले नयाँ वर्ष २०८२ को सुखद अवसरमा आफ्नो क्षेत्रका बासिन्दासँग भेटघाटलाई तीव्रता दिनुभएको छ। पहिलो पटक निर्वाचित भएपछि उहाँ जनताको घरदैलोमै पुगेर आभार व्यक्त गर्दै उनीहरूका समस्या, गुनासा तथा सुझावहरू प्रत्यक्ष रूपमा सुन्ने कार्यमा सक्रिय देखिनुभएको छ। उहाँको यस पहलले जनप्रतिनिधि र जनताबीचको सम्बन्धलाई अझ सुदृढ बनाउने अपेक्षा गरिएको छ, साथै स्थानीय स्तरमा विकास र सुशासनका लागि सकारात्मक वातावरण सिर्जना हुने विश्वास पनि लिइएको छ।