विष्णुपुरमा श्रीमद्भागवत गीता ज्ञान महायज्ञ २० गतेदेखि सुरु हुने

सिरहा माघ २८,  सिरहा जिल्लाको विष्णुपुर गाउँपालिका-१, हटिया बजारमा १०८ भव्य संगीतमय श्रीमद्भागवत गीता ज्ञान महायज्ञ माघ २० गतेदेखि आयोजना हुने भएको छ। सम्पुर्ण सनातनि धर्मी सेवा समाज, विष्णुपुर-१ को आयोजनामा हुने यस महायज्ञमा ख्याति प्राप्त कथा वाचक श्री शिवानन्द महाराज काशी बनारसका कथा बाचक द्वारा प्रवचन दिइनेछ। कार्यक्रमको शुभारम्भ २० गते आइतबार बिहान ९ बजे विशाल कलश यात्रा बाट हुनेछ भने सोही दिनदेखि कथा लीलाको औपचारिक शुभारम्भ गरिनेछ। कथा प्रवचन प्रत्येक दिन दिउँसो २ बजे देखि साँझ ६ बजेसम्म सञ्चालन हुनेछ। महायज्ञ ७ दिनसम्म अर्थात २७ गते सम्म लगातार सञ्चालन हुने आयोजक समितिले जनाएको छ। १०८ विशाल शान्ति हवन समेत सम्पन्न गरिने समेत आयोजक कमिटीले जनाएका छन । आयोजकले सम्पूर्ण श्रद्धालु भक्तजनहरूलाई महायज्ञमा सहभागी भई धर्मलाभ प्राप्त गर्न हार्दिक अनुरोध गरेका छन्। यज्ञमा यजमान बन्ने इच्छुक श्रद्धालुहरूले आयोजकमार्फत नाम दर्ता गराउन सक्ने व्यवस्था गरिएको छ।