सिरहामा प्रजातन्त्र सेनानी संघको ११ सदस्यीय जिल्ला कार्यसमिति गठन

 राम पुकार यादव / २५ कार्तिक सिरहा । सिरहामा प्रजातन्त्र सेनानी संघको ११ सदस्यीय जिल्ला कार्यसमिति गठन भएको छ । नेपाली काँग्रेसकि पुर्व कोषाध्यक्ष सीता देवि यादवको प्रमुख आतिथ्यमा सिरहा स्थित पुस्तकालय भवनमा सम्पन्न बैठकबाट आइतबार प्रजातन्त्र सेनानी संघको ११ सदस्यीय जिल्ला कार्यसमिति चयन गरेको हो । बैठकले समितिको सभापतिमा राम कुमार यादव , उपसभापतिमा मागैन साह, सचीवमा गोपाल साह सहित सदस्यहरुमा रमेश गजुरेल , अशोक साह , ओम प्रकाश साह ,मो. समसुदिन , मायादेवी चौधरी , जुगेश्वर यादव , गोबिन्द ढकाल र सीमा झालाई चयन गरेको हो । बैठकले शिबराम यादव , शितल प्रसाद यादव र भागवत साह गरि तीन जनालाई महाधिवेशन प्रतिनिधिको लागि चयन समेत गरेका हुन । राम कुमार यादवको अध्यक्षतामा सप्पन्न सो कार्यक्रमको बिशिस्ट अतिथिहरुमा नेपाली कांग्रेसका केन्द्रीय सदस्य पद्धम नारायण चौधरी ,पुर्व प्रदेश सभा सांसद नरेश कुमार यादव र प्रजातन्त्र सेनानी संघका केन्द्रीय सदस्य अमर रेग्मी रहनुभएको थियो ।