ओझेलमा ठोरीको पौराणिक वनकाली थान

प्रदेश टाइम्स भदौ,  २० / सिरहा । मधेश प्रदेशको सरकारको अदुरदर्शिताको कारण पर्सा जिल्लाको ठोरी गाउँपालिका वडा नम्बर २, ईच्छानगर स्थित पौराणिक वनकाली थान ओझेलमा परेको छ । स्थानिय प्राकृतिक जंगलमा करिब ८/९ वर्ष पहिले स्थानियले घाँस दाउरा लिन जाँदा जंगलमा पुरानो शैलीको ढुंगाको जाँतो फेला परेको थियो । उक्त ठाउँमा फेला परेको उक्त पौराणिक ढुंगा भएको ठाउँ नै वनकाली थान स्थानियले मानी पूजापाठ गर्दै आएका छन् । प्राकृतिक सौन्दर्य बोकेको उक्त ठाउँमा स्थानियले आ आफना गच्छे अनुसारको पूजापाठ नियमित गर्दै आएका छन् । यस ठाउँमा भाकल गरेको खण्डमा भाकल पूरा हुने जनविश्वास रहिआएको छ । यस ठाउँलाई विकाशको मूल धारमा ल्याउन सकेको खण्डमा स्थानिय पर्यटन क्षेत्रको विकास दिगो रूपमा हुने अवस्था भएपनि निकाय मौन बसेको छ ।