सप्तरीको कडरबोनामा गुडिरहेको बसमा आगलागी

लहान २४ चैत्र सप्तरीको सुरुङ्गा न.पा. वडा न.६ कडरबोना चौकमा गुडिरहेको रातिको ८ बजे बसमा आगलागी भएको छ। बिराटनगर बाट जनकपुर जादै गरेको ना. ७ ख. १२७८ न. को मां दुर्गा डिल्कसमा आगो लागेको छ। बसमा डिजेल लिकेज भएको कारणले आगलागी हुदा बसको केही भाग जलेको छ भने यात्रुहरू सकुशल बसबाट बिहिर निस्किन सफल भएको छ। बसमा चालक सह चालक सहित २५/३० जना सवार रहेको बुझिएको छ। बसमा लागेको आगो स्थानीय र इलाका प्रहरी कार्यालय कडरबोना द्वारा आगो नियन्त्रणमा लिएको जानकारी इलाका प्रहरी कार्यालय कडरबोनाले दिएको छ। गाडीमा यात्रुहरूको केही सामानहरु जलेको छ भने केहि यात्रीहरुलाई सामान्य चोटपटक लागेको छ।