बालिका बलात्कृत आरोपमा लहान बाट एक युवक पक्राउ

 प्रदेश टाइम्स / सिरहा । सिरहाको लहानबाट एक १५ वर्षीय बालिका बलात्कृत आरोपमा एक युवकलाई प्रहरीले पक्राऊ गरेको छ । सिरहाको लहान नगरपालिका वडा नम्बर १ स्थित भाडामा लिएको घरमा बस्दै आएका सुखिपुर नगरपालिका वडा नं २ का १८ वर्षीय नितेश कुमार यादवले एक १५ वर्षीय बालिकालाई बलात्कृत गरी घाइते बनाएको आरोपमा उनलाई प्रहरीले पक्राऊ गरेको छ । घाईते बालिकाको उपचार स्थानिय लाहान अस्पतालमा सम्भव नभएपछि थप उपचारको लागि विराटनगर स्थित एक अस्पतालमा पुर्याइएको छ र उपचार भइरहेको बालिकाको अवस्था सामान्य रहेको बुझिएको छ । घटनामा संलग्न नितेश कुमार यादवलाई लहानको तरकारी बजारबाट प्रहरीको टोली पुगेर नियन्त्रणमा लिएको छ । घटनाको अनुसन्धान जारी रहेको बुझिएको छ ।