घरमै बन्धक बनाएर रमनामा लाखौको लुटपाट

प्रदेश टाइम्स / सिरहा । घरमै बन्धक बनाएर रमनामा लाखौंको लुटपाट भएको छ । सिरहाको कल्याणपुर नगरपालिका वडा नम्बर १० रमनामा शुक्रवार घरमै संजिव यादवलाई बन्धक पारेर लाखौंको गरगहना र नगद लुटपाट भएको हो ।

शुक्रबार राती करिब साढे एघार बजेको समयमा अज्ञात व्यक्तिहरुको एक समुहले बाँसको भर्‍याङको सहारा लिएर छत हुदै कोठाभित्र प्रवेश गरि रुममा सुतिरहेको अबस्थामा आफुलाई दुइवटै हात बाँधेर टाउकोमा हतियार सटाउँदै घरभित्र रहेको अढाई तोला सुनको गहना र १ लाख जति नगद लुटपाट गरि लगेको घरमुली संजिव यादवले बताए ।