बिद्यालय ब्यबस्थापन समिती निर्वाचनको लागी अन्तिम नामावली प्रकाशन सँगै चुनाव चिन्ह प्रदान

प्रदेश टाइम्स/ सिरहा ।  बिद्यालय ब्यबस्थापन समिती निर्वाचनको लागी अन्तिम नामावली प्रकाशन सँगै चुनाव चिन्ह प्रदान गरिएको छ । सिरहाको बिष्णुपुर गाउँपालिका वडा नम्बर २ स्थित श्री जनता माध्यमिक बिद्यालय (प्राबिधिक ) राजपुरको बिद्यालय ब्यबस्थापन समिति छनौटको लागि थालिएको निर्वाचनको लागी कार्यक्रम तालिका अनुसार आज शनिबार उम्मेदवारहरुको अन्तिम नामावली प्रकाशन सँगै उम्मेदवारहरुलाई चुनाव चिन्ह प्रदान गरिएको छ

। बिद्यालय ब्यबस्थापन समिति छनौटको लागि उम्मेदवारि गरेका दस जना उम्मेदवारहरु राम कुमार यादव  (प्रदीप)लाई कलम चिन्ह ,जयनन्दन यादवलाई घडी ,मनिषा यादवलाई रेडियो ,सीता कुमारी पासमानलाई कमलको फुल, भोरिल यादवलाई बस , रामपुकार यादवलाई गाई र देबेन्द्र यादव (रोहित) लाई स्वस्तिक दिप चुनाव चिन्ह प्रदान गरिएको छ भने सुभद्रा कुमारी दासलाई हाती छाप , लिला कुमारी पासमानलाई क्यामरा ,श्रबन यादबलाई कुर्सी , चिन्ह प्रदान गरिएको छ ।

बिद्यालाय ब्यबस्थापन समितीको लागि जम्मा १० जनाको उम्मेदवारी परेको थियो । आज सोही बमोजिम १० जनै उम्मेदवारहरुलाई फरकफरक चुनाव चिन्ह प्रदान गरिएको बिष्णुपुर गाउँपालिका शिक्षा प्रमुख तथा निर्वाचन समिति संयोजक दिप कुमार यादवले जानकारी गराए । यस पश्चात् आइतबार ,सोमबार र मंगलबार तीन दिन चुनाव प्रचारप्रसारको समय दिएको छ भने बुधबार मौन अबधि र बिहिवार मतदान कार्यक्रम रहेको बिद्यालयको प्रधानाध्यापक प्रदिप कुमार यादवले जानकारी गराए ।

विभिन्न सरोकारवालाहरु प्रहरी प्रशासन पत्रकार र भद्रभलादमिहरुको रोहवर तथा शान्तिपुर्ण सहज बाताबरणमा चुनाव चिन्ह गोलाप्रथा द्वारा प्रदान गरिएको थियो भने निर्वाचन अचार संहिता सम्बन्धि शर्तहरुको सम्बन्धमा बिष्णुपुर गाउँपालिका वडा नम्बर २ को अध्यक्ष प्रमोद कुमार यादवले जानकारी गराएका थिए ।