प्रदेश टाइम्स/ सिरहा । सिरहाको सन्हैठामा दुई मोटरसाइकल आपसमा ठोक्किँदा एकै वडाका तीन जनाको मृत्यु भएको छ। अर्का एकजना गम्भीर घाइते भएका छन्।
हुलाकी सडकमा पूर्वबाट पश्चिमतर्फ जाँदै गरेको स २ प ४७३१ नम्बरको मोटरसाइकल र विपरित दिशाबाट आएको प्रदेश २(०१(००१ प १८५० नम्बरको मोटरसाइकल आपसमा ठोक्किएको हो।
दुर्घटनामा अर्नमा गाउँपालिका ५ का २७ वर्षीय दिनेश कुमार यादव, ३२ वर्षीय रामबृक्ष यादव र १९ वर्षीय मुकेश सिंहको मृत्यु भएको छ।
सोही ठाउँका १५ वर्षीय युवराज यादव गम्भीर घाइते भएका छन्। उनलाई थप उपचारका लागि विराटनगरको न्यूरो अस्पताल रेफर गरिएको छ। (MK)
प्रतिक्रिया दिनुहोस
Copyright © 2019 / 2026 - Pradeshtimesdainik.com - All rights reserved
