बैशाख ६ काठमाडौं। संघिय सरकारको भौतिक पूर्वाधार मन्त्रालययबाट आर्थिक बर्ष ३०७८/७९ मा बजेट व्यवस्थापन गरि निर्माण कार्य शुरु गरिएको "एक निर्वाचन क्षेत्र एक रणनीतिक सडक बिकास कार्यक्रम" अन्तरगत काठमाडौं निर्वाचन क्षेत्र नं २ को साँखु - बज्रयोगिनी - घुमारचोक -डाँडाकटेरी -चौकिभन्ज्याङ सडकको पहिलो चरणको कालोपत्रेको काम आज, बैशाख ६ गतेबाट शुरु भएको छ। नेकपा (एकीकृत सामजवादी) अध्यक्ष तथा यस क्षेत्रका तत्कालिन सांसद माधव कुमार नेपालको आफू काठमाडौं २ को सांसद हुँदा यो सडक निर्माणका लागि २० करोड बजेट व्यवस्थापन गर्नुभएको थियो।यो सडकको निर्माण कमलजित एन्ड आर ए जेभीले गरिरहेको छ। आर्थिक बर्ष २०७८/७९का लागी २० करोड बजेट बिनियोजन भएको यो सडकको निर्माणको काम डिभिजन सडक कार्यालय काठमाडौंले ठेक्का मार्फत गरेको हो।यस आ. ब २०७९/८० मा २० करोडले करिब ३ किलोमीटर सडक कालोपत्रे गरिने डिभिजन सडक कार्यालय काठमाडौंका प्राबिधिक तुलकान्त चौधरीले बताउनुभयो।सडक निर्माणको काम साँखु स्थित धुल्ला गेटबाट शुरु गरिएको हो। करिव १ अर्ब ३० करोडको डिपिआर रहेको यो सडक खण्डको सम्पुर्ण भागको निर्माण सम्पन्न हुँदा शंखरापुर नगरपालिकाका वडाहरु २,४ र ८ गुणस्तरीय सडकमा जोडिने छन।
प्रतिक्रिया दिनुहोस
Copyright © 2019 / 2024 - Pradeshtimesdainik.com - All rights reserved