एकीकृत समाजवादीले बुझायो समानुपातिकको बन्दसूची

काठमाडौँ,असोज ३ नेकपा (एकीकृत समाजवादी ) ले आगामी प्रतिनिधिसभा  तथा प्रदेशसभा सदस्य निर्वाचनको समानुपातिक तर्फका उम्मेदवारको बन्दसूची बुझाएको छ ।निर्वाचन आयोगमा सोमबार अपराह्न पुगेर एकीकृत समाजवादीले समाहानुपातिक तर्फका उम्मेदवारको बन्दसूची बुझाएको हो । पार्टीका उपमहासचिव डा. गंगालाल तुलाधरले  पार्टीको तर्फबाट समानुपातिक तर्फको उम्मेदवारको बन्दसूची बुझाउनु भएको हो  ।निर्वाचन आयोगले समानुपातिकको बन्दसूची बुझाउन आइतबार र सोमबार समय दिएको छ । सोमबार अन्तिम दिन हो ।