परिवार नियोजन , सुरक्षित मातृत्व तथा नवजात शिशु सम्बन्धि पत्रकार अन्तरक्रिया कार्यक्रम

प्रदेश टाइम्स /सिरहा । परिवार नियोजन , सुरक्षित मातृत्व तथा नवजात शिशु सम्बन्धि एक दिने पत्रकार अन्तरक्रिया कार्यक्रम सिरहामा भएको  छ । जिल्ला स्वास्थ्य कार्यालय सिरहा र बुद्ध हेल्थ प्रोमोशन एण्ड एजुकेशन राजविराज सप्तरीको आयोजनामा कार्यक्रम संचालन भएको हो । कार्यक्रम सिरहाको रमझम होटेलमा भएको हो । जिल्ला स्वास्थ्य कार्यालय सिरहाका प्रमुख कृष्णदेव यादव , राष्ट्रिय स्वास्थ्य शिक्षा सुचना तथा संचार केन्द्र काठमाडौका स्वास्थ्य शिक्षा अधिकृत ईन्द्र बहादुर बानियाँ , बुद्ध हेल्थ प्रोमोशन एण्ड एजुकेशनका बरिस्ठ फ्यासिलेटर लक्ष्मी नारायण देव , चिकित्सक तेज कुमारी श्रेष्ठ लगायतले विषयगत जानकारी गराएका हुन। कार्यक्रममा पत्रकार महासंघ सिरहाको कोषाध्यक्ष बिरेन्द्र प्रसाद गुप्ताले पनि आफना बिचार राखेका थिए । उक्त विषयमा संचारकर्मी हरुले संचार माध्यम मार्फत समुदायमा जनचेतना अभिबृद्वि गर्ने उदेश्यले कार्यक्रम राखिएको आयोजकले जनाए ।