पाँच कठा खेत बैंक धितो राखेर किनेको ट्रकमा सिरहामा आगो लागाइयो

सुरेश राय ।सिरहा, १९ पुस । जनमत पार्टीका कार्यकर्ताले पूर्वपश्चिम राजमार्ग अन्तर्गत सिरहाको मिर्चैया बतहाखोला नजिक एक मालबाहक ट्रकमा आगजानी गरेको छ । बन्दको अवज्ञा गरेको भन्दै उनीहरुले हिमालय सुगरमिल्समा उखु पुर्याएर पूर्वबाट पश्चिमतर्फ जाँदै गरेको ना. ५ ख १००९ नम्वरको ट्रकमा आगजानी गरेको हो ।IMG_4398 समूहमा आएका जनमतका कार्यकर्ताले ट्रकमा जथाभावी ढुङ्गामुढा गरेको गाडी धनिसमेत रहेका चालक विजय साहले बताए । उनका अनुसार ढुङ्गाले चोट लागेपछि आफूले आत्तिएर गाडी रोक्ने वित्तिकै उनीहरुले ट्रकमा पेट्रोल छरेर आगजानी गरेको बताए । घाइते चालक र सहचालकको मिर्चैयामा उपचार भईरहेको जनाएको छ । आगो प्रहरीको सहयोगले नियन्त्रणमा लिएपनि ट्रक पूर्णरुपले जलेको बताइएको छ । मिथिला नपा ९ धनुषाका साहले पाँच कठ्ठा बैंकमा धितो राखेर दुई वर्ष अगाडी ट्रक किनेको बताए । उनले ऋण समेत सधाउन नसकि गाढी जलेपछि उनी चिन्तित बनेका छन् । जनमतका कार्यकर्ताहरु छापामार शैलिमा सडकमा आई गाडी तोडफोड र आजगानी गरिरहेका छन् । जसको आलोचना हुन थालेको छ । पार्टीले किसान आन्दोलनको नाममा पुस १५ गतेबाट अनिश्चित कालिन तराई मधेसको दिवाकालिन सडक जामको आव्हान गरेको छ ।