ईलाका प्रहरी कार्यालय नरहाले गरे खुल्ला मदिरा नष्ट

राम पुकार यादव/८ असोज, बिष्णुपुर । ईलाका प्रहरी कार्यालय नरहाले खुल्ला मदिरा नष्ट गरेको छ ।प्र.ना.नी. सगिर अहमदको कमाण्डमा खटिएको टोलिले सिरहा चोहर्वा सडक खण्डको नरहा बलुवा स्थित म्याजिक चेकजाँच गर्ने क्रममा मदिरा बरामद गरी नष्ट गरेको हो । चोहर्वा बाट सिरहा तर्फ जाँदै गरेको म्याजिकमा लुकाई छिपाई लाँदै गरेको बेला सिरहाको नरहा गाँउपालिका वडा न.५ स्थित चेकजाँच गरी जम्मा ४५ लिटर खुल्ला मदिरा बरामद गरी सो मदिरा नरहा गाँउपालिका वडा न.४ का अध्यक्ष सुर्यनाथ यादव,वडा न.५ का अध्यक्ष हुकुमदेव यादव,समाजका भद्रभलादमी समाजसेवी पत्रकार समेतको रोहवरमा बिहिबार नष्ट गरेको इ.प्र.का नरहाका प्र.ना.नी सगिर अहमद ले जानकारी गराए ।