प्रत्यक्ष प्रणालीको माध्यम बाट सिरहा लगायत देशैभरी पत्रकार महासंघको चुनाव शुरु

बिनाेद मण्डल प्रदेश टाइम्स  चैत्र २५ । प्रत्यक्ष प्रणालीको माध्यम बाट सिरहा लगायत देशैभरी पत्रकार महासंघको चुनाव शुरु भएको छ।नेपाल पत्रकार महासंघ सिराहा शाखाको चुनाव बिधिबत रुपले आज बुधबार १० बजे देखि  शुरू भएको छ । पूर्व निर्धारित समय अनुसार सिरहाको लहान स्थित उद्योग वाणिज्य संघको कार्यालयमा मतदान शुरु भएको हो । शान्तिपूर्ण वातावरणमा भइरहेको मतदानमा जिल्लाका सम्पूर्ण पत्रकारहरुको सहभागीता रहेको छ । केन्द्र ,प्रदेश र जिल्ला तहको एकै समयमा हुन लागेको निर्वाचनमा सिराहा शाखामा सभापतिको लागि  मनोज बनैता यादव र गठबंधन बाट हिरालाल चौधरी यतिबेला प्रतिस्पर्धामा रहेका छन् । सिराहा शाखाबाट पत्रकार विनोद मण्डल लगायत ४ जना यस अघिनै निर्विरोध निर्वाचित भइसकेका छन् भने आजको निर्वाचनको अन्तिम परिणाम पनि आजै घोषणा गरिने बुझिएको छ ।