प्रतिबन्धित लागुऔषधसहित सिरहामा दुई युवक पक्राउ

 सिरहा, ३२ साउन । सिरहा प्रहरीले दुई छुट्टाछुट्टै ठाउँबाट प्रतिबन्धित लागुऔषधसहित दुई युवकलाई पक्राउ गरेको छ । जिल्ला प्रहरी कार्यालय सिरहाका अनुसार सीमावर्ती प्रहरी चौकी हरकट्टीको गस्ती प्रहरी टोलीले लहान नगरपालिका १ बस्ने २६ वर्षीय मनोज प्रसाद खत्वे र सिरहा नगरपालिका १७ माडरबाट ठेगाना नखुलेका अन्दाजी २७ वर्षीय विजयकुमार पासवानलाई प्रतिबन्धित लागूऔषधसहित पक्राउ गरिएको हो । प्रहरीले खत्वेको साथबाट फेनारगन ५६ एम्पुल, नोर्फिन ५८ एम्पुल, डाइजिल्याप ५५ एम्पुल, एक थान सिरिञ्ज र पासवानको साथबाट नाइट्रभेट एक सय ५० ट्याब्लेट बरामद भएको जनाएको छ। दुवैलाई जिल्ला प्रहरी कार्यालयको हिरासतमा राखी थप अनुसन्धान गरिरहेको प्रहरीले जनाएको छ ।