ओलीले बालुवाटार प्रवेशमा निषेध गरेपछि विष्णुको शरणमा सिंहदरवार पुगिन चिनियाँ राजदूत

काठमाडौं । चिनियाँ राजदूत होउ यान्छीले प्रधानमन्त्रीका राजनीतिक सल्लाहकार विष्णु रिमालसँग भेट गरेकी छन् ।

संसद विघटनपछि पद छोड्न दबाब दिँदा प्रधानमन्त्री केपी शर्मा ओलीसँग सम्बन्ध बिग्रिएपछि चिनियाँ राजदूत यान्छी फकाउन सल्लाहकार रिमालको शरणमा पुगेकी हुन् । पद छोड्न भनेपछि ओलीले यान्छीलाई ३ महिनायता भेट दिएका छैनन ।

बालुवाटार प्रवेश निषेध जस्तै छ । राजदूत यान्छीले सिंहदरवार पुगेर रिमालसँग भेट गरेकी हुन् । दुई दिन अगाडि मात्रै नेकपा माओवादी केन्द्रका अध्यक्ष पुष्पकमल दाहाल प्रचण्डलाई भेटेकी थिइन् ।  त्यसअगाडि माधव नेपालसँग भेट गरेकी थिइन् ।

गत फागुन २३ मा सर्वोच्च अदालतले नेकपाको एकता बदर गरेर एमाले र माओवादी केन्द्रलाई ब्यूँताइदिने निर्णय गरेपछि राजनीतिक संकट गहिरिँदै गरेका बेला राजदूत यान्छीको सक्रियता बढेको हो ।

उनले नेपालका दुई कम्युनिष्ट पार्टी पूर्ववत् अवस्थामा फर्केपछिको राजनीतिक घटनाक्रम, नयाँ सरकारको सम्भावनालगायत विषयमा केन्द्रित रहेर नेताहरुसँग भेटवार्ता गरेकी हुन् ।