सिरहा: बिष्णुपुरबाट एक युवक पेस्तोल सहित पक्राउ

प्रदेश टाइम्स / २९ मंसिर सिरहा । सिरहाको बिष्णुपुरबाट एक युवक पेस्तोल सहित पक्राउ परेको छ। मोटरसाइकल चोरेर फरार रहेका सिरहाको विष्णुपुर गाउँपालिका-३ राजपुरका विन्दे दास पेस्तोलसहित पक्राउ परेका छन् । विवाह चलिरहेको स्थानबाट मोटरसाइकल चोरेर फरार रहेका दासको घरमा खानतलासी गर्दा कम्मरमा लुकाइ राखेको अवस्थामा एक थान कटुवा पेस्तोलसहित पक्राउ गरेको प्रहरीले जनाएको छ । उनीसँगै मोटरसाइकल चोरीमा संलग्न सोही स्थानका २८ वर्षीय सरोज यादव फरार रहेका छन् । हाल फरार सरोजको खोजीका साथै यस सम्बन्धमा आवश्यक अनुसन्धान गरिरहेको समेत प्रहरीले जनाएको छ ।