लहान । नेपाल सद्भावना पार्टीकी पूर्वनेतृ सरिता गिरीले प्रतिनिधिसभा सदस्यका लागि सिरहा १ बाट स्वतन्त्र उम्मेदवारी दिने घोषणा गरेकी छन् । उनले बिहीबार बिहान सामाजिक सञ्जाल ट्वीटरमार्फत सो घोषणा गरेकी हुन् । ‘म सिरहाको १ नम्बर निर्वाचन क्षेत्रबाट सांसद पदका लागि निर्वाचन लड्न गइरहेको छु । यो आधिकारिक घोषणा हो,’ गिरीले लेखेकी छन् । गिरीले आफूलाई सहयोग गर्न सबैसँग आह्वानसमेत गरेकी छन् । गिरीले हिजो बुधबारमात्र नेपाल सद्भावना पार्टी परित्याग घोषणा गरेकी थिइन् । नेपाली कांग्रेस नेता स्वर्गीय प्रदीप गिरिको चाहनाअनुरुप आफूले पार्टी परित्याग गर्ने निधो गरेको उनले बताएकी थिइन् ।
प्रतिक्रिया दिनुहोस
Copyright © 2019 / 2024 - Pradeshtimesdainik.com - All rights reserved