बिष्णुपुर बजारमा अबेर रातिसम्म लाग्ने हटियाका लागि लाइटको आवश्यकता

 राम पुकार यादव / सिरहा: सिरहाको बिष्णुपुर बजारमा हरेक हप्ताको दुइ दिन लाग्ने हटियामा स्थानीय व्यापारी र उपभोक्ताले सुविधाजनक व्यापार र किनमेलको लागि पर्याप्त प्रकाश व्यवस्थाको माग गरेका छन्। साँझपख र अबेर रातिसम्म हप्ताको दुइ दिन आइतबार र बुधबार लाग्ने हटियामा उज्यालो अभावले गर्दा व्यापारी र किनमेल गर्न आउने उपभोक्ताले कठिनाइ भोग्दै आएका छन्। अबेर रातिसम्म लाग्ने बिष्णुपुर हटियामा उज्यालोको अभावले विभिन्न किसिमको समस्याहरु निम्तियाएको स्थानीय किनबेच गर्नेहरु बताउँछन । बिष्णुपुर बजार हटिया स्थानीय उत्पादनहरू किनबेच गर्नका लागि महत्त्वपूर्ण थलोको रुपमा परिचीत छन । बिहानदेखि सुरु हुने यो हटिया राति अबेरसम्म चल्ने भए पनि पर्याप्त बत्ती नहुँदा ग्राहकहरू रातिको समयमा बजार आउने हिचकिचाउँछन्। व्यापारीहरूले पनि उज्यालोको कमीले गर्दा सामान प्रदर्शन गर्न र ग्राहकलाई सेवा दिन समस्या झेल्नुपरेको गुनासो गरेका छन्। स्थानीय व्यापारी लक्ष्मण साहले भने, “हटियाको समयमा बत्ती नहुँदा हामीलाई व्यापार गर्न अप्ठ्यारो हुन्छ। राति ग्राहक कम आउँछन्, अनि चोरी-डकैतीको डर पनि रहन्छ।” उपभोक्ता खकरि देवीले उज्यालो नहुँदा सामान छान्न गाह्रो हुने बताउँदै भनिन्, “हामी स्थानीय उत्पादन किनेर किसानलाई सहयोग गर्न चाहन्छौं, तर राति उज्यालो नहुँदा सुरक्षा र सहजतामा समस्या हुन्छ।” स्थानीय तहका जनप्रतिनिधि र सरोकारवालाहरूले बजारमा स्थायी प्रकाश व्यवस्था गर्न प्राथमिकता दिनुपर्ने माग स्थानीयवासीहरुले गरेका छन्। बिष्णुपुर गाउँपालिकाका अध्यक्ष सत्यनारायण यादवले भने, “हटियाको महत्वलाई बुझेर आगामी महिनाभित्र बजार क्षेत्रमा सोलार लाइट जडान गर्ने योजना बनाएका छौं। यसका लागि बजेट छुट्याइसकिएको छ।” बजार क्षेत्रमा पर्याप्त प्रकाशको व्यवस्था भएमा व्यापारी र उपभोक्ता दुवैलाई सहज हुने देखिन्छ। उज्यालोले बजारको सुरक्षामा सुधार ल्याउन सहयोग गर्नेछ भने रातिसम्म किनमेल गर्न सहज भएकाले आर्थिक गतिविधिमा पनि वृद्धि हुनेछ। भन्नुभयो । त्यसरि नै स्थानीय किसानले आफ्ना उत्पादन सजिलै बेच्न पाउनेछन् भने व्यापारीले सामान बिक्रीका लागि थप समय पाउनेछन्। यसले बाह्र्य ब्यपारि र उपभोक्ताहरु पनि हटियामा आकर्षित गर्न सजिलो हुन्छ स्थानीयको बुझाइ रहेको छ । बिष्णुपुर बजारमा अबेर रातिसम्म लाग्ने हटियाका लागि उज्यालोको व्यवस्था गर्नु अत्यावश्यक छ। यसले केवल व्यापारी र उपभोक्ताको समस्या समाधान मात्रै नभइ स्थानीय अर्थतन्त्रमा पनि सकारात्मक प्रभाव पार्ने भएकोले स्थानीय सरकार, समुदाय, र निजी क्षेत्रको सहकार्यको समेत जरुरी रहेको देखिन्छ ।