पत्रकारलाई कुटपिट गर्ने दोषीलाई तत्काल कार्यबाही होस : पत्रकार महासँघ अध्यक्ष प्रेमचन्द्र झा

  • माघ २३, २०८०
  • ३०७ पटक पढिएको
  • प्रदेश टाइम्स
alt

रौतहट : रौतहटमा समाचार संकलन गर्न गएका पत्रकारमाथि कुटपिट भएको छ। जिल्लाको कटरिया नगरपालिकामा रहेको बाबा बैजनाथ सुगर एण्ड केमिकल प्रालिमा समाचार संकलन गर्न गएका पत्रकारलाई कुटपिट गरिएको हो। किसानले चिनी मिलमा लगेको १०० क्विन्टल उखुलाई ७० क्विन्टल बनाइएपछि किसानहरुले आन्दोलन गरेका थिए। किसानहरुले उखु काटा गर्ने ठाउँमा नारा जुलुस गरेपछि समाचार संकलनका लागि पुगेका पत्रकार कृष्ण तिवारीमाथि मिल सञ्चालकले कुटपिट गरेका हुन्। कटहरियाका मेयरसमेत रहेका बाबा बैजनाथ सुगर एण्ड केमिकल प्रालिका सञ्चालककै मिलोमतोमा आफूमाथि कुटपिट भएको पत्रकार तिवारीले बताएका छन्। पत्रकार तिवारीको मोबाइल र क्यामरासमेत मिल सञ्चालकले खोसेर लगेका बताइएको छ। घाइते तिवारीको अहिले गरुडास्थित हेल्थ ल्यान्ड अस्पतालमा उपचार भइरहेको छ। नेपाल पत्रकार महासंघ रौतहटका अध्यक्ष प्रेमचन्द्र झाले दोषीलाई तत्काल पक्राउ गर्न माग गरेका छन्। तिवारीसँगै रहेका अर्का पत्रकार धीरज यादवको समेत मोबाइल र क्यामेरा खोसिएको बताइएको छ।

प्रतिक्रिया दिनुहोस

काभ्रे महादेव मन्दिर ...

सिरहा । आषाढ १ । उदयपुर जिल्लामा रहेको काभ्रेपानी पूर्व पश्चिम राजमार्ग अर्थात् महेन्द्र हाई वे देखि ...

प्रहरी कार्यालय भित् ...

 सिरहा । जिल्ला प्रहरी कार्यालय सिरहाभित्र एक महिला प्रहरी जवान मृत भेटिएकी छन् । कार्यालयको मह ...

कृष्णनगरमा सुरक्षा ...

कपिलवस्तु, जेष्ठ २८ कपिलवस्तु जिल्लाको कृष्णनगरमा आज पशु क्वारेन्टाइन कार्यालय भैरहवा अन्तर्गत पशु क ...